Hizam A Bawa சர்வகட்சி அரசாங்கத்திற்கான முதலாவது கலந்துரையாடல் இன்று ஜனாதிபதி செயலகத்தில் இடம்பெறவுள்ளது. மாலை 05.00 மணிக்கு இடம்பெறவுள்ள இந்த கலந்துரையாடலில் பங்கேற்குமாறு ஜனாதிபதி ரணில் விக்கிரமசிங்க, பாராளுமன்றத்தை பிரதிநிதித்துவப்படுத்தும் கட்சிகளுக்கு எழுத்து மூலம் முன்னர் அறிவித்திருந்தார்.
நேற்று பிற்பகல் ஸ்ரீலங்கா சுதந்திரக் கட்சி மற்றும் ஜி.எல்.பீரிஸ், டலஸ் அழகப்பெரும உள்ளிட்ட குழுக்களுடன் மற்றுமொரு கலந்துரையாடல் இடம்பெற்றது. இந்த கலந்துரையாடலில் சர்வகட்சி அரசாங்கம் தொடர்பில் முக்கிய கவனம் செலுத்தப்பட்டுள்ளதாக கலந்துரையாடலின் பின்னர் முன்னாள் ஜனாதிபதி மைத்திரிபால சிறிசேன தெரிவித்தார்.
ஊழல் நிறைந்த அமைச்சரவையில் நான் அங்கம் வகிக்கவில்லை என ஸ்ரீலங்கா சுதந்திரக் கட்சியின் பொதுச் செயலாளர் தயாசிறி ஜயசேகர தெரிவித்துள்ளார்.
இந்த விவாதத்தில் கலந்து கொண்டு பேசிய ஜனாதிபதி ரணில் விக்கிரமசிங்க, செப்டம்பர் முதல் வாரத்தில் இடைக்கால வரவு செலவு திட்டம் பாராளுமன்றத்தில் சமர்ப்பிக்கப்படும் அதன் பின்னரான காலப்பகுதியில் . மக்களுக்கு நிவாரணம் வழங்க கூடியதாக இருக்கும் என்று தாம் நம்புவதாகவும் ஜனாதிபதி தெரிவித்திருந்தார்.
இந்தக் கலந்துரையாடலில் 10 சுயேச்சைக் கட்சிகளின் பிரதிநிதிகள் கலந்துகொள்ளவுள்ளதாக நாடாளுமன்ற உறுப்பினர் வாசுதேவ நாணயக்கார தெரிவித்துள்ளார்.
ஜனாதிபதியினால் அழைப்பு விடுக்கப்பட்டுள்ள சர்வகட்சி மாநாட்டில் சமி ஜன பலவேக கூட்டணியின் கட்சித் தலைவர்களும் இணைந்து கொள்ளவுள்ளதாக எதிர்க்கட்சித் தலைவர் சஜித் பிரேமதாச தெரிவித்துள்ளார்.
எவ்வாறாயினும், இந்த கலந்துரையாடலில் பங்கேற்க மாட்டோம் என தேசிய மக்கள் படை தெரிவித்துள்ளது. குறிப்பிட்ட கால அவகாசம் இல்லாத காரணத்தினால் தான் சர்வகட்சி அரசாங்கத்தில் பங்குகொள்ளப்போவதில்லை என அக்கட்சியின் தலைவர் அனுரகுமார திஸாநாயக்க தெரிவித்துள்ளார்.
இதேவேளை, நாட்டை மீட்பதற்கு மேலும் அமைச்சுப் பதவிகள் தேவையில்லை என நாடாளுமன்ற உறுப்பினர் டிலான் பெரேரா தெரிவித்துள்ளார்.
இதன்படி ஜனாதிபதி ரணில் விக்கிரமசிங்கவினால் இன்று அழைப்பு விடுக்கப்பட்டுள்ள சர்வகட்சி மாநாட்டில் தேசிய மக்கள் படை தவிர்ந்த ஏனைய பாராளுமன்றத்தை பிரதிநிதித்துவப்படுத்தும் கட்சிகள் கலந்து கொள்ளும் என்று நம்பப்படுகின்றது.
