கர்ப்பிணித் தாய்மார்களுக்கு வழங்கப்படும் இரும்புச் சத்து மருந்துகளுக்கு நாட்டில் கடும் தட்டுப்பாடு ஏற்பட்டுள்ளதாக இலங்கை மருந்து வர்த்தக சங்கம் தெரிவித்துள்ளது.
மருந்தகங்களில் இன்னும் பல மருந்துகளுக்கு தட்டுப்பாடு நிலவுவதாக அதன் தலைவர் மருந்தாளர் கபில டி சொய்சா தெரிவித்துள்ளார்.
மேலும், கண் நோய்களுக்கு பயன்படுத்தப்படும் மருந்துகளுக்கு தட்டுப்பாடு நிலவுவதாகவும் தெரிவிக்கப்பட்டுள்ளது.
இதேவேளை, அடுத்த சில மாதங்களில் 231 வகையான மருந்துப் பொருட்கள் நாட்டில் பெற்றுக்கொள்ளப்பட உள்ளதாக சுகாதார அமைச்சு தெரிவித்துள்ளது. நாட்டில் அத்தியாவசிய மருந்துகள் மற்றும் ஹைட்ரோஃபோபியா, பாம்பு விஷம் மற்றும் பிரசவத்திற்குப் பிறகு இரத்தப்போக்கினை நிறுத்தும் மருந்துகள் உட்பட பல அத்தியாவசிய மருந்துகள் நாட்டில் இருப்பதாகவும் மருத்துவ வழங்கல் துறை தெரிவிக்கின்றது.
மேலும், மருந்து தட்டுப்பாட்டைத் தவிர்ப்பதற்கு பொறுப்புடனும் திட்டமிட்டும் செயற்பட்டு வருவதாக அதன் பிரதிப் பணிப்பாளர் நாயகம் டொக்டர் டி.ஆர்.கே ஹேரத் தெரிவித்தார்.