Hizam A Bawa 
பாகிஸ்தான் பத்திரிக்கையாளர் அர்ஷாத் ஷெரீப் கொல்லப்பட்டது நன்கு திட்டமிட்டு நடத்தப்பட்டது என்று கென்யாவின் மனித உரிமைகள் ஆணையம் தெரிவித்துள்ளது.
ஆணைக்குழுவின் சிரேஷ்ட திட்ட ஆலோசகர் மார்ட்டின் மவென்ஜினா, பாகிஸ்தான் ஊடகமொன்றுக்கு கருத்துத் தெரிவிக்கையில், இந்தக் கொலையை யாரோ செய்த குற்றமாகக் கருதி எதிர்காலத்தில் விசாரணைகள் நடத்தப்படும் என்று தெரிவித்தார்.
கென்யா மனித உரிமைகள் ஆணைக்குழுவின் தலைவரும் ஊடகங்களுக்கு கருத்துத் தெரிவிக்கையில், அர்ஷாத் ஷெரீப் கொல்லப்பட்ட போது அந்த இடத்தில் யார் இருந்தார் என்பது தொடர்பில் பிரச்சினை எழுந்துள்ளது.
மேலும், இந்த சம்பவத்தை தவறு என்று கூறி மூடி மறைக்கின்றனர் என கென்யா மனித உரிமைகள் ஆணைக்குழுவின் தலைவர் ஊடகங்களுக்கு தெரிவித்துள்ளார்.
குற்றச்சாட்டின்படி, கென்ய பொலிசார் கொலையில் குற்றவாளிகள் என்று கென்யாவின் மனித உரிமைகள் ஆணையத்தின் மூத்த திட்ட ஆலோசகர் மார்ட்டின் மவென்ஜினா கூறினார்.
அக்டோபர் 23 அன்று கென்யாவின் நைரோபியில் நடந்த துப்பாக்கிச் சூட்டில் பாகிஸ்தான் பத்திரிகையாளர் அர்ஷாத் ஷெரீப் கொல்லப்பட்டார்.
கென்ய பொலிசாரின் தற்செயலான துப்பாக்கிச் சூட்டில் அவர் கொல்லப்பட்டதாக ஆரம்ப விசாரணையில் தெரியவந்துள்ளது.
