ஜனாதிபதி பொதுமன்னிப்பு வழங்கியமை தொடர்பில் முன்னாள் ஜனாதிபதி கோட்டாபாய ராஜபக்ஷவை ஆஜராகுமாறு நீதிமன்றம் உத்தரவு!

கொலை வழக்கில் மரண தண்டனை விதிக்கப்பட்டுள்ள முன்னாள் நாடாளுமன்ற உறுப்பினர் துமிந்த சில்வாவின் விடுதலையை ரத்து செய்யக் கோரி தாக்கல் செய்யப்பட்டுள்ள அடிப்படை உரிமை மீறல் மனுக்கள் தொடர்பில் எதிர்வரும் டிசம்பர் மாதம் 16ஆம் திகதி ஆஜராகுமாறு முன்னாள் ஜனாதிபதி கோட்டாபய ராஜபக்ஷவுக்கு உச்ச நீதிமன்றம் உத்தரவிட்டுள்ளது. பாரத லக்ஷ்மன் பிரேமச்சந்திரவுக்கு நோட்டீஸ் வழங்கப்பட்டது

மேலும், முர்து பெர்னாண்டோ மற்றும் யசந்த கோதாகொட ஆகியோர் அடங்கிய உச்ச நீதிமன்ற அமர்வு முன்னிலையில் இது தொடர்பான மனுக்கள் விசாரணைக்கு எடுத்துக் கொள்ளப்பட்ட போதே இந்த உத்தரவு பிறப்பிக்கப்பட்டுள்ளது.

இதன்படி, துமிந்த சில்வாவுக்கு வழங்கப்பட்ட ஜனாதிபதி மன்னிப்பை இரத்துச் செய்யும் உத்தரவைப் பிறப்பிக்குமாறு கோரி பாரத லக்ஸ்மன் பிரேமச்சந்திரவின் மகள் ஹிருணிகா பிரேமச்சந்திர, அவரது மனைவி சுமனா பிரேமச்சந்திர மற்றும் மனித உரிமைகள் ஆணைக்குழுவின் முன்னாள் ஆணையாளர் ஜனாதிபதி சட்டத்தரணி கசாலி ஹுசைன் ஆகியோர் இந்த மனுக்களை சமர்ப்பித்துள்ளனர்.

இந்த மனுக்கள் தொடர்பில் முன்னர் மனுவொன்றை தாக்கல் செய்திருந்த மனுதாரர்களின் சட்டத்தரணிகள், முன்னாள் ஜனாதிபதி கோட்டாபய ராஜபக்ஷவை பிரதிவாதியாக குறிப்பிடுவதற்கு அனுமதி கோரியிருந்தனர்.

இந்தக் கோரிக்கையை ஏற்றுக்கொண்ட உச்ச நீதிமன்றம், கோட்டாபய ராஜபக்ஷவை சம்பந்தப்பட்ட மனுக்களில் பிரதிவாதியாக குறிப்பிட அனுமதித்ததுடன், அந்த மனுக்கள் தொடர்பாக டிசம்பர் 16ஆம் திகதி நீதிமன்றத்தில் ஆஜராகுமாறு ராஜபக்சவுக்கு நோட்டீஸ் அனுப்ப உத்தரவிட்டது.

விசாரணையின் போது, மனுதாரர் சுமன பிரேமச்சந்திர சார்பில் ஆஜரான எராஜ் டி சில்வா, இந்த மனு தொடர்பாக, பிரதிவாதி கோட்டாபய ராஜபக்ஷவின் மிரிஹானவில் உள்ள தனிப்பட்ட இல்லத்திற்கு நோட்டீஸ் அனுப்பப்பட்ட அனுப்பப்பட்டதாக தெரிவித்தார்.

மேலும்,குறித்த நோட்டீசில் “ஏற்றுக்கொள்ளாமல் மறுக்கப்பட்டு விட்டது” என்ற குறிப்பு இருந்ததாக சட்டத்தரணி எராஜ் டி சில்வா நீதிமன்றத்தில் குறிப்பிட்டார்.

அதன்பிறகு, மனுக்களை மீண்டும் டிசம்பர் 16ம் திகதி விசாரிக்க உத்தரவிடப்பட்டது.

மேலும், பரத லக்ஷ்மன் பிரேமச்சந்திர கொலை வழக்கில் குற்றம் சாட்டப்பட்ட துமிந்த சில்வாவுக்கு கொழும்பு மேல் நீதிமன்றத்தின் மூவரடங்கிய பெஞ்ச் தூக்கு தண்டனை விதித்ததுடன், ஐவரடங்கிய உச்ச நீதிமன்றத்தின் தூக்கு தண்டனையை உறுதி செய்ததாக மனுதாரர்கள் தெரிவித்துள்ளனர்.

எவ்வாறாயினும், துமிந்த சில்வாவுக்கு ஜனாதிபதி பொது மன்னிப்பு வழங்கி விடுதலை செய்ய அப்போதைய ஜனாதிபதி கோட்டாபய ராஜபக்ஷ செயற்பட்டதாக சுட்டிக்காட்டியுள்ள மனுதாரர்கள், ஜனாதிபதி மன்னிப்பு வழங்குவதில் பின்பற்ற வேண்டிய சட்ட விதிகளை ஜனாதிபதி சரியாக பின்பற்றவில்லை எனவும் சுட்டிக்காட்டியுள்ளனர்.

மேலும், குடியரசின் அரசியலமைப்பின் கீழ் உத்தரவாதம் அளிக்கப்பட்டுள்ள அடிப்படை மனித உரிமைகள் மீறப்பட்டுள்ளதாகத் தீர்ப்பளிக்கக் கோரி மனுதாரர்கள், ஜனாதிபதியின் பொது மன்னிப்பை செல்லுபடியாகாத உத்தரவைப் பிறப்பிக்குமாறு உச்ச நீதிமன்றத்திடம் கோரிக்கை விடுத்துள்ளனர்.