Hizam A Bawa 
ஜனவரி முதல் வாரத்திற்குள் உள்ளூராட்சி தேர்தல் திகதி தொடர்பில் தேர்தல்கள் ஆணைக்குழு தெளிவான அறிக்கையை வெளியிடாவிட்டால் நீதிமன்றத்தை நாடத் தயார் என Faparel அமைப்பு தெரிவித்துள்ளது.
மேலும், புத்தளம் மாவட்ட செயலகத்தில் நடைபெற்ற கூட்டத்தின் பின்னர் அதன் நிறைவேற்றுப் பணிப்பாளர் ரோஹன ஹெட்டியாராச்சி இதனைத் தெரிவித்துள்ளார்.
இதனிடையே, தேர்தல் நடத்தும் அலுவலர்கள் மற்றும் உதவி தேர்தல் நடத்தும் அலுவலர்கள் நியமனம் தொடர்பான சிறப்பு வர்த்தமானி அறிவிப்பையும் தேர்தல் ஆணையம் நேற்று வெளியிட்டிருந்ததோடு உள்ளூராட்சி சபைத் தேர்தல் தொடர்பில் கலந்துரையாடுவதற்காக அனைத்து மாவட்ட செயலாளர்களும் இன்று கொழும்புக்கு அழைக்கப்பட்டுள்ளதாகவும் தெரிவிக்கப்பட்டுள்ளது.
