சேபால அமரசிங்க எதிர்வரும் 10ஆம் திகதி வரை விளக்கமறியலில் வைக்குமாறு உத்தரவு!

குற்றப் புலனாய்வுப் பிரிவினரால் கைது செய்யப்பட்ட சமூக வலைத்தள செயற்பாட்டாளர் சேபால் அமரசிங்கவை எதிர்வரும் 10ஆம் திகதி வரை விளக்கமறியலில் வைக்குமாறு உத்தரவிடப்பட்டுள்ளது.

மேலும், குற்றப்புலனாய்வு திணைக்களத்தினால் முன்வைக்கப்பட்ட உண்மைகளை பரிசீலித்த கொழும்பு மேலதிக நீதவான் தரங்க மஹவத்த இந்த உத்தரவை பிறப்பித்துள்ளார்.

இதன்படி, பௌத்த அலுவல்கள் திணைக்களத்தின் பணிப்பாளர் நாயகமும் பௌத்த தகவல் நிலையத்தின் பணிப்பாளருமான அகுருவெல்லே ஜினாநந்த தேரர் செய்த முறைப்பாட்டின் பிரகாரம் விசாரணைகள் ஆரம்பிக்கப்பட்டுள்ளதாக குற்றப் புலனாய்வு திணைக்கள அதிகாரிகள் தெரிவித்துள்ளனர்.

அத்தோடு, சந்தேகநபர் நடாத்தும் யூடியூப் அலைவரிசையில் தெரிவித்த கருத்து காரணமாக பௌத்த சமூகத்தில் பெரும் கொந்தளிப்பு ஏற்பட்டுள்ளதாக சுட்டிக்காட்டிய குற்றப் புலனாய்வு திணைக்கள அதிகாரிகள், சமூக வலைதளத்தில் இரு தரப்பினருக்கும் இடையில் மோதல் ஏற்படுத்தக்கூடிய சூழல் உருவாகியுள்ளதாக தெரிவித்துள்ளனர்.

மேலும், இந்த அறிக்கையின் மூலம் பாரிய தவறு இடம்பெற்றுள்ளதாக தொல்பொருள் திணைக்கள பணிப்பாளர் நாயகம் குற்றப் புலனாய்வு திணைக்களத்திற்கு அறிவித்துள்ளதோடு, இந்த சம்பவம் தொடர்பில் குற்றப்புலனாய்வு திணைக்கள அதிகாரிகளான மல்வத்து அஸ்கிரி பார்ஷவ மற்றும் தியவதன நிலமய ஆகியோர் வாக்குமூலம் வழங்க தயாராக இருப்பதாகவும் தெரிவித்துள்ளனர் .

அத்தோடு, சந்தேகநபர் வெளிநாடுகளில் இருந்தும் பணம் பெற்றுள்ளதாக தகவல் வெளியாகியுள்ளதாகவும், பயங்கரவாதிகளுக்கு நிதி உதவி வழங்குவதற்கு எதிரான சட்டம் மற்றும் பணமோசடி தடுப்புச் சட்டத்தின் கீழ் விசாரணை நடத்தி வருவதாகவும் குற்றப் புலனாய்வுத் திணைக்களம் தெரிவித்துள்ளது.

மேலும், சந்தேகநபர் தெரிவித்த கருத்து பௌத்த சமூகத்தினரிடையே பெரும் அதிர்வலைகளை ஏற்படுத்தியுள்ள நிலையில், சிவில் மற்றும் அரசியல் உரிமைகள் சாசன சட்டத்தின் கீழ் சந்தேக நபரை எதிர்வரும் 19ஆம் திகதி வரை விளக்கமறியலில் வைக்குமாறு குற்றப் புலனாய்வுப் பிரிவினர் நீதிமன்றில் கோரினர்.

இதன்போது, சந்தேகநபர் சேபால அமரசிங்க சார்பில் ஆஜரான சட்டத்தரணி நாமல் ராஜபக்ச, யூடியூப் அலைவரிசைகளை நடத்தி ஆயிரத்திற்கும் மேற்பட்ட காணொளிகளை தனது கட்சிக்காரர் பதிவிட்டதாக நீதிமன்றத்தில் தெரிவித்தார்.

அந்த காணொளிகள் மூலம் தூய பௌத்த மதத்தை கட்டுக்கதைகளில் இருந்து பாதுகாப்பதற்காக தான் ஒவ்வொரு முறையும் பதிவிட்டுள்ளதாக தெரிவித்த சட்டத்தரணி, பௌத்தத்தை அவமதிக்கும் நோக்கம்சந்திரஜா நபருக்கு இல்லை எனவும் சுட்டிக்காட்டியுள்ளார்.

மேலும், நாட்டில் ஏற்பட்டுள்ள பொருளாதார நெருக்கடியை ஒடுக்குவதற்காக பல் கண்காட்சி நடத்துவதற்கு அரசாங்கம் தயாராகி வருவதாகவும், இவ்வாறான செயற்பாடுகளால் பொருளாதார நெருக்கடியை அடக்க முடியாது எனவும் சுட்டிக்காட்டி தனது கட்சிக்காரர் கேள்விக்குரிய கருத்தை வெளியிட்டதாகத் தெரிவித்த சட்டத்தரணி, கட்டுக்கதைகளில் இருந்து பௌத்தத்தை காப்பாற்ற வேண்டும் என்றும் குறிப்பிடப்பட்டார்.

அத்தோடு, அரசியல் பழிவாங்கும் நோக்கில் தனது கட்சிக்காரர் கைது செய்யப்பட்டதாக சட்டத்தரணி மேலும் சுட்டிக்காட்டினார்.

அங்கு மேலதிக நீதவான் சந்தேகநபரான =சேபால அமரசிங்கவிடம் உரையாற்றியதுடன், தலதா பௌத்தர்களின் மிகபுனிதமான தளம் எனவும் இவ்வாறான கருத்துக்களை வெளியிடுவதில் மிகவும் அவதானமாக இருக்குமாறும் நீதவான் சந்தேக நபரை எச்சரித்துள்ளார்.

எனினும், சந்தேகநபரை எதிர்வரும் 19ஆம் திகதி வரை விளக்கமறியலில் வைக்குமாறு குற்றப் புலனாய்வுத் திணைக்களத்தின் கோரிக்கையை நிராகரித்த நீதவான், சந்தேக நபரை எதிர்வரும் 10ஆம் திகதி வரை விளக்கமறியலில் வைக்குமாறு உத்தரவிட்டுள்ளார்.