ஈஸ்டர் தாக்குதலைத் தடுக்கத் தவறியதன் மூலம் அடிப்படை உரிமைகள் மீறப்பட்டுள்ளதாக உச்ச நீதிமன்றம் தீர்ப்பளித்தது!

முன்னாள் ஜனாதிபதி மைத்திரிபால சிறிசேன மற்றும் முன்னாள் பாதுகாப்புச் செயலாளர் ஹேமசிறி பெர்னாண்டோ மேலும்,முன்னாள் பொலிஸ் மா அதிபர் பூஜித் ஜயசுந்தர மற்றும் முன்னாள் அரச புலனாய்வுப் பிரிவின் பிரதானி நிலந்த ஜயவர்தன, தேசிய புலனாய்வுப் பிரிவின் முன்னாள் பிரதானி சிசிர மெண்டிஸ் ஆகியோர்கள் 2019 ஈஸ்டர் ஞாயிறு அன்று பயங்கரவாதத் தாக்குதலைத் தடுக்க நடவடிக்கை எடுக்கவில்லை என உளவுத்துறை தகவல் வெளியிடத்தினை அடிப்படையாக கொண்டு மனித உரிமைகள் மீறப்பட்டுள்ளதாக உச்ச நீதிமன்றம் தீர்ப்பளித்துள்ளது.

இதன்படி, முன்னாள் ஜனாதிபதி மைத்திரிபால சிறிசேன 100 மில்லியன் ரூபாவையும், முன்னாள் பொலிஸ் மா அதிபர் பூஜித் ஜயசுந்தர மற்றும் முன்னாள் பொது சேவை புலனாய்வுப் பிரிவின் பிரதானி நிலந்த ஜயவர்தன ஆகியோருக்கு தலா 75 மில்லியன் ரூபாவும், முன்னாள் பாதுகாப்புச் செயலாளரான ஹேமசிறி பெர்னாண்டோவிற்கு 50 மில்லியன் ரூபாவினையும் மற்றும் முன்னாள் தேசிய புலனாய்வுத்துறையின் தலைவரான சிசிர மென்டிஸிக்கான தண்டனையாக தனது தனிப்பட்ட பணத்திலிருந்து 10 மில்லியன் ரூபாவினை நட்டஈடாக வழங்கப்பட வேண்டும் எனவும் உத்தரவிட்டபட்டுள்ளது.

மேலும், அரசு இழப்பீடாக ஒரு மில்லியன் வழங்க வேண்டும் எனவும், அரச புலனாய்வுப் பிரிவின் முன்னாள் தலைவர் நிலந்த ஜயவர்தனவுக்கு எதிராக ஒழுக்காற்று நடவடிக்கை எடுக்கவும் உயர் நீதிமன்றம் உத்தரவிட்டுள்ளது.

அத்தோடு, குறித்த தாக்குதலை தடுக்க நடவடிக்கை எடுக்காததன் மூலம் தமது அடிப்படை மனித உரிமைகள் மீறப்பட்டுள்ளதாக சம்பந்தப்பட்ட தரப்பினர் சமர்ப்பித்த 12 மனுக்களின் தீர்ப்பை அறிவிக்கும் போதே நீதிமன்றம் இந்த உத்தரவை பிறப்பித்துள்ளது.

குறித்த உத்தரவினை பிரதம நீதியரசர் ஜயந்த ஜயசூரிய, புவனேக அலுவிஹாரே, எல். டி. பி. தெஹிதெனிய, முர்து பெர்னாண்டோ, எஸ்.துரைராஜா, ஏ.எச். எம். டி. நவாஸ் மற்றும் ஷிரான் குணரத்ன ஆகியோர் அடங்கிய ஏழு பேர் கொண்ட உச்ச நீதிமன்ற அமர்வு இந்த முடிவை அறிவித்துள்ளது.

மேலும், இந்த 12 அடிப்படை உரிமை மனுக்கள், குண்டுத் தாக்குதலில் உயிரிழந்த இரண்டு பிள்ளைகளின் தந்தையான நந்தன சிறிமான்ன, பயண வர்த்தகரான ஜனத் விதானகே, சரத் இத்தமல்கொட, மூன்று கத்தோலிக்க மதகுருமார்கள், ஷங்ரிலா குண்டுத் தாக்குதலில் காயமடைந்த சட்டத்தரணி மோடித ஏக்கநாயக்க போன்றவர்கள் மனு தக்களினை செய்துள்ளனர்.