இலங்கை கால்பந்து சம்மேளனத்தின் புதிய அதிகாரிகளுக்கு எதிராக நீதிமன்ற உத்தரவு!
Hizam A Bawa
1 min read
இலங்கை உதைபந்தாட்ட சம்மேளனத்தின் தலைவர் ஸ்ரீ ரங்கா மற்றும் புதிய அதிகாரிகளை நாளை வரை அந்த பதவிகளில் பணி இடைநிறுத்துமாறு மேன்முறையீட்டு நீதிமன்றம் இடைக்கால உத்தரவை பிறப்பித்துள்ளது.
மேலும், இலங்கை கால்பந்தாட்ட சம்மேளனத்தின் உத்தியோகபூர்வ தேர்தல் சட்டவிரோதமானது என அதன் முன்னாள் தலைவர் ஜஸ்வர் உமர் தாக்கல் செய்த ரிட் மனுவை பரிசீலித்ததன் பின்னர் இது சோபித ராஜகருணா மற்றும் தம்மிக்க கணேபொல ஆகியோர் அடங்கிய மேன்முறையீட்டு நீதிமன்ற அமர்வு இந்த உத்தரவை பிறப்பித்துள்ளது.
அத்தோடு, விளையாட்டுத்துறை அமைச்சர் மற்றும் கூட்டமைப்பிற்கு தெரிவு செய்யப்பட்ட புதிய அதிகாரிகள் பிரதிவாதிகளாக குறிப்பிடப்பட்டுள்ளனர்.
இதன்படி, இலங்கை உதைபந்தாட்ட சம்மேளனத்தின் தேர்தல் கடந்த 14ஆம் திகதி நடைபெற்றதாகவும், தலைவர் பதவிக்கு போட்டியிடுவதற்காக தாம் வேட்புமனுக்களை சமர்ப்பித்ததாகவும், அதனை நியமனக் குழு ஏற்றுக்கொண்டதாகவும் மனுதாரர் கோரியுள்ளார்.
பின்னர், தனக்கு தகுதி இல்லை என்று கூறி பதவிக்கு போட்டியிட அதிகாரிகள் வாய்ப்பளிக்கவில்லை என மனுதாரர் குற்றம் சாட்டியுள்ளார்.
மேலும், எதிர்க் கட்சியில் இருந்து வந்த பிரதிவாதியான ஜே.ஸ்ரீ ரங்கா 03 மேலதிக வாக்குகளால் அந்தக் கூட்டமைப்பின் தலைவராகத் தெரிவு செய்யப்பட்டதாக மனுதாரர் சுட்டிக்காட்டியுள்ளார்.
இதனால் தமக்கு அநீதி இழைக்கப்பட்டதாகவும் மனுதாரர் தெரிவித்துள்ளார்.
எனவே, அந்த தேர்தல் முடிவுகளை ரத்து செய்து, புதிய தேர்தல் நடத்த நடவடிக்கை எடுக்க அதிகாரிகளுக்கு உத்தரவிட வேண்டும் எனவும் மனுவில் கோரப்பட்டுள்ளது.
