Hizam A Bawa 
உக்ரைனுடன் சமாதானப் பேச்சுவார்த்தைக்கு ரஷ்யாவை அழைத்துச் செல்லும் நோக்கில் சீனா வெளிவிவகார அமைச்சர் வாங் யீ ரஷ்யா வந்தடைந்துள்ளதாக வெளிநாட்டு ஊடகங்கள் செய்தி வெளியிட்டுள்ளன.
இதேவேளை, ரஷ்யா ஜனாதிபதி விளாடிமிர் புட்டினை சந்திப்பதற்காக சீனா ஜனாதிபதி ஷி ஜின்பிங் மாஸ்கோ செல்ல தயாராகி வருவதாகவும் வெளிநாட்டு ஊடகங்கள் செய்தி வெளியிட்டுள்ளன.
மேலும், இரண்டாம் உலகப் போரின் வெற்றியை ரஷ்யா கொண்டாடும் ஏப்ரல் அல்லது மே மாத தொடக்கத்தில் சீனா அதிபரின் ரஷ்யா விஜயம் நடைபெறலாம் என தற்போது தகவல் வெளியாகியுள்ளது.
அத்தோடு, உக்ரைன் மற்றும் ரஷ்யா இடையே போர் மோதல்கள் உள்ள இத்தகைய பின்னணியில் அமெரிக்கா அதிபர் ஜோ பைடன் நேற்று திடீரென உக்ரைன் வந்ததினைத் தொடர்ந்து சீனா வெளிவிவகார அமைச்சரின் குறித்த ரஷ்யா விஜயம் தொடர்பில் சிக்கல் நிலை ஏற்பட்டுள்ளதாக வெளிநாட்டு ஊடகங்கள் மேலும் தெரிவிக்கின்றன.
