Hizam A Bawa 
உள்நாட்டு கடன் மறுசீரமைப்பு வேலைத்திட்டத்தில் ஊழியர்களின் வருங்கால வைப்பு நிதிக்கு எவ்வித பாதிப்பும் ஏற்படாது என மத்திய வங்கியின் ஆளுநர் கலாநிதி நந்தலால் வீரசிங்க தெரிவித்துள்ளார்.
இதன்படி, உள்ளூர் கடனை மறுசீரமைப்பதால் ஊழியர்களின் வருங்கால வைப்பு நிதிக்கு பாதிப்பு ஏற்படும் என வெளியாகியுள்ள செய்திகள் தொடர்பில் இன்று விசேட அறிக்கையொன்றை விடுத்து.
ஊழியர் சேமலாப நிதியத்தில் வைப்புத் தொகைக்காக செலுத்தப்படும் 9 சதவீத வட்டிக்கு எவ்வித பாதிப்பும் ஏற்படாது என ஊடக நிறுவனங்களின் தலைவர்களுடனான கலந்துரையாடலின் போது மத்திய வங்கியின் ஆளுநர் தெரிவித்துள்ளார்.
அத்தோடு, ஊழியர்களின் வருங்கால வைப்பு நிதியில் வைப்புத்தொகையை அப்படியே விட்டுவிட மாட்டோம் என்றும் குறைந்தபட்சம் 9 சதவீத வட்டிக்கு உத்தரவாதம் அளிக்க முடியும் என்றும் அவர் வலியுறுத்தியதோடு இலங்கையின் வங்கி அமைப்புக்கு சொந்தமான 57 மில்லியன் வைப்பாளர்களின் வைப்புத்தொகை பாதுகாக்கப்படும் என்றும் மத்திய வங்கியின் ஆளுநர் மேலும் உறுதியளித்துள்ளார்.
இதேவேளை, வங்கி முறைக்கு இனி சுமை ஏற்படாது எனவும், ஏற்கனவே 50 வீதத்திற்கும் அதிகமான வரி வருமானம் வங்கிகளின் ஊடாக திறைசேரிக்கும் நாட்டின் பொருளாதாரத்திற்கும் செல்வதாக குறித்த சந்திப்பில் கலாநிதி நந்தலால் வீரசிங்க தெரிவித்தார்.
இதன்படி, நாட்டில் வங்கி அமைப்பு எந்த வகையிலும் சரிந்தால், விளைவுகள் பேரழிவை ஏற்படுத்தும். எனவே, வங்கித் துறையைப் பாதுகாப்பது இன்றியமையாதது என மத்திய வங்கி ஆளுநர் மேலும் தெரிவித்துள்ளதுடன் இங்கு ஏன் 05 நாட்கள் வங்கி விடுமுறை அளிக்கப்பட்டது என ஊடகவியலாளர் ஒருவர் கேள்வி எழுப்பினர்.
இதற்குப் பதிலளித்த மத்திய வங்கியின் ஆளுநர், உள்நாட்டுக் கடன் மறுசீரமைப்புத் திட்டத்திற்கு நாடாளுமன்றத்தின் அங்கீகாரம் கிடைக்கும் வரை நிதி அமைப்பில் ஏற்படக்கூடிய ஸ்திரத்தன்மையைத் பாதுகாப்பதற்காக இந்த நடவடிக்கை எடுக்கப்பட்டதாகத் தெரிவித்தார்.
இதேவேளை, 2024 ஆம் ஆண்டு வரை இலங்கை மத்திய வங்கிக்கு சொந்தமான திறைசேரி உண்டியல்களுக்கான வட்டி 12 வீதமும் 4 பத்தில் 4 ஆகவும் இருக்கும் எனவும், 2026 ஆம் ஆண்டு வரை திறைசேரி உண்டியல்களுக்கான வட்டி 7 வீதம் மற்றும் 5 பத்தில் 5 ஆகவும் மறுசீரமைக்கப்படும் என தெரிவிக்கப்பட்டுள்ளது. .
மேலும், முதிர்வு கருவூல உண்டியல்களுக்கான வட்டி 5 சதவீதமாக மறுசீரமைக்கப்படும் எனவும் மத்திய வங்கியின் ஆளுநர் கலாநிதி நந்தலால் வீரசிங்க தெரிவித்துள்ளார்.
