சர்வதேச நாணய நிதியத்தின் ஒப்பந்தம் நிறுத்தப்பட்டதா?: பதில் நிதியமைச்சர் ஷெஹான் சேமசிங்க!
Hizam A Bawa
1 min read
அண்ணளவாக 330 மில்லியன் அமெரிக்க டொலர்கள் பெறுமதியான விரிவாக்கப்பட்ட நிதி வசதியின் இரண்டாவது தவணையை திறப்பதற்கு சர்வதேச நாணய நிதியத்தின் மீளாய்வுக் குழுவுடன் இலங்கை பணியாளர் மட்ட ஒப்பந்தத்தைப் பெற வேண்டும் என பதில் நிதி அமைச்சர் ஷெஹான் சேமசிங்க தெரிவித்துள்ளார்.
இதன்படி, நேற்று (28) நடைபெற்ற ஊடகவியலாளர் சந்திப்பில் கலந்து கொண்டு உரையாற்றிய பதில் நிதியமைச்சர், சம்பந்தப்பட்ட பங்குதாரர்களுடனான கலந்துரையாடலின் முடிவில் பணியாளர் மட்ட உடன்பாட்டை எட்டுவது குறித்து நம்பிக்கையினை தெரிவித்தார்.
அத்தோடு, செப்டெம்பர் 13 ஆம் திகதி இலங்கை வந்த சர்வதேச நாணய நிதியத்தின் குழு, இலங்கைக்கு வழங்கப்பட்ட விரிவாக்கப்பட்ட நிதி வசதியின் (EFF) முதலாவது மீளாய்வு முடிவடைந்ததைத் தொடர்ந்து (27) நாட்டை விட்டு வெளியேறியதாக பதில் நிதி அமைச்சர் தெரிவித்தார்.
மேலும் உரையாற்றிய பதில் நிதி அமைச்சர்: “நாங்கள் சர்வதேச நாணய நிதியத்தின் உடன் ஊழியர்கள் அளவிலான ஒப்பந்தத்தைப் பெறுவதற்கு நெருக்கமாக இருக்கிறோம். சில விஷயங்கள் பேசப்படாமல் நிலுவையில் உள்ளன, அவை தனாதிபதி நாடு திரும்பியதும் நடைபெறும் எனவும்” எனவும்.
“இலங்கையில் உள்ள சர்வதேச நாணய நிதியத்தின் அலுவலகம் சர்வதேச நாணய நிதியத்தின் தலைமையகத்துடன் பேசுவதற்கு சில கலந்துரையாடல் புள்ளிகளைக் கொண்டுள்ளது. இந்த விவாதங்கள் முடிவடைந்தவுடன், ஊழியர்கள் அளவிலான உடன்பாட்டுக்கு எங்களால் வரமுடியும் என்று நான் நினைக்கிறேன்.
மேலும், சர்வதேச நாணய நிதியத்தியம் மீளாய்வில் அரசாங்க வருமானம் தொடர்பான விடயம் முன்னிலைப்படுத்தப்பட்டதை சுட்டிக்காட்டிய சேமசிங்க, 2022ஆம் ஆண்டு அரசாங்க வருமானத்துடன் ஒப்பிடுகையில் 43% அதிகரிப்பை இது சுட்டிக்காட்டுவதாகவும் குறிப்பிட்டார்.
“சர்வதேச நாணய நிதியத்தியம் ஒப்பந்தம் நிறுத்தப்பட்டதாக அச்சம் உள்ளது”, அதில் எந்த உண்மையும் இல்லை, ஆனால் விரிவான விவாதங்களுக்குப் பிறகு நாடு சில ஒப்பந்தங்களுக்கு வர வேண்டும் என்று அவர் கூறினார்.
“ஒரே நேரத்தில், தொடர்புடைய நிறுவனங்கள் கடன் மறுசீரமைப்பு தொடர்பான தேவையான நடவடிக்கைகளை செயல்படுத்துகின்றன.”
எவ்வாறாயினும், இது தற்போதைய நிலையாக இருப்பதால், இந்த விடயம் தொடர்பில் கவலையடையவோ அல்லது எதிர்மறையான எண்ணங்களை வளர்த்துக் கொள்ளவோ தேவையில்லை என பதில் நிதி அமைச்சர் சேமசிங்க வலியுறுத்தியுள்ளார்.
