Hizam A Bawa 
நிதி இராஜாங்க அமைச்சர் கலாநிதி ரஞ்சித் சியம்பலாபிட்டிய
இந்நாட்டு மக்கள் மீது புதிய வரிகளை சுமத்த முடியாது என நிதி இராஜாங்க அமைச்சர் கலாநிதி ரஞ்சித் சியம்பலாபிட்டிய ஜனாதிபதியிடம் தெளிவுபடுத்தியுள்ளார்.
இதன்படி, அரசின் வருவாயை அதிகரிக்கும் நோக்கில் வருவாய் ஈட்டும் திணைக்களங்களின் வருமான இலக்குகளை விரைவாக அடைவதற்காக நிதி அமைச்சில் நிறுவனங்களின் தலைவர்களுடன் இடம்பெற்ற கலந்துரையாடலில் நிதி இராஜாங்க அமைச்சர் மேற்கண்டவாறு தெரிவித்துள்ளார்.
மேலும் கருத்து தெரிவித்த நிதி இராஜாங்க அமைச்சர்
“இந்த விவாதங்களை சரியான இடத்திற்கு கொண்டு வருவோம். மாநில வருவாய் அதிகரிக்கப்பட வேண்டும். வருவாய் இலக்குகளை எட்ட வேண்டும். புதிய வரிகளை இந்த நாட்டு மக்கள் மீது சுமத்த முடியாது. இது அரசியல் பிரச்சினை அல்ல.நாட்டின் தலைவர் என்ற முறையில். மாண்புமிகு ஜனாதிபதியிடம் தெளிவாகக் கூறியுள்ளேன் எனவும், தற்போதுள்ள அமைப்பிற்குள் அடிப்படையை விரிவுபடுத்தி, வருமான வரி செலுத்தாதவர்களிடமிருந்து அதிக கட்டணம் வசூலிக்கிறோம் எனவும் தெரிவித்தார்.
இதன்போது, அரச வருவாய் மேற்பார்வை திணைக்களத்தின் பணிப்பாளர் நாயகம் எம்.ஜே.குணசிறி, அமைச்சின் பதில் செயலாளர் ஆர்.எம்.பி.ரத்நாயக்க, சுங்கப் பணிப்பாளர் நாயகம் பி.பி.எஸ்.சி.நோனிஸ், ஆணையாளர் சமன் ஜயசிங்க, உள்ளுர் வருவாய் திணைக்களத்தின் பதில் ஆணையாளர் யு.ஏ.ஜயவர்தன உள்ளிட்டோர் கலந்துகொண்டனர்.
