இலங்கை கிரிக்கெட்டிற்கு அர்ஜுண ரணதுங்க தலைமையில் 7 பேரை கொண்ட குழு நியமனம்: வர்த்தமானி வெளியானது!
Hizam A Bawa
1 min read
விளையாட்டுத்துறை அமைச்சர் ரொஷான் ரணசிங்கவினால் சற்றுமுன் வர்த்தமானி அறிவிப்பு வெளியிடப்பட்டது.
இலங்கை கிரிக்கெட் அணியின் முன்னாள் தலைவர் அர்ஜுண ரணதுங்க இந்த இடைகால நிர்வாக குழுவிற்கு தலைமை தாங்குகின்றார்.
அத்துடன், ஓய்வூ பெற்ற உயர்நீதிமன்ற நீதியரசர் எஸ்.ஐ.இமாம், ஓய்வூ பெற்ற உயர்நீதிமன்ற நீதியரசர் ரொஹினி மாரசிங்க, ஓய்வூ பெற்ற மேல் நீதிமன்ற நீதிபதி ஐராங்கணி பெரேரா, எச்.கே.உபாலி தர்மதாஸ, சட்டத்தரணி ரகித்த நி;மல ராஜபக்ஸ மற்றும் எம்.எச்.ஜமால்டீன் ஆகியோர் இந்த குழுவில் இடம்பிடித்துள்ளனர்.
இலங்கை கிரிக்கெட் அணி தொடர்ச்சியாக படுதோல்விகளை சந்தித்து வருகின்ற நிலையில், ஸ்ரீலங்கா கிரிக்கெட்டின் நிர்வாக குழு பதவி விலக வேண்டும் என்ற கோரிக்கை வலுப் பெற்று வந்தது.
இவ்வாறான பின்னணியிலேயே, இந்த இடைகால நிர்வாக குழு நியமிக்கப்பட்டுள்ளது.
