காரைதீவு பிரதேச சபை தவிசாளர் சுப்பிரமணியம் பாஸ்கரன் ஏதென்ஸில் நடைபெறும் 2025 ஐரோப்பிய தன்மை செலவு பகுப்பாய்வு சங்கத்தின் (SBCA) மாநாட்டில் கலந்து கொள்வதற்கு வெளிநாட்டிற்குச் செல்வதால் காரைதீவு பிரதேச சபையின் மூத்த உறுப்பினரும், காரைதீவு பிரதேச சபை உப தவிசாளருமான எம்.எச்.எம். இஸ்மாயில் இன்று முதல் காரைதீவு பிரதேச சபையின் பதில் தவிசாளராக கடமையேற்றார்.

இன்று (25) முதல் 05.12.2025 வரை காரைதீவு பிரதேச சபையின் பதில் தவிசாளராக கடமையாற்ற தனது பொறுப்புகளை காரைதீவு பிரதேச சபை செயலாளர் முன்னிலையில் பொறுப்பேற்று கொண்டார். இந்நிகழ்வில் பிரதேச சபை உறுப்பினர்கள் இருவர் கலந்து கொண்டனர்.

இது தொடர்பான அறிவித்தலை முறையாக கிழக்கு மாகாண ஆளுநருக்கு காரைதீவு பிரதேச சபை தெரியப்படுத்தியுள்ளது.

நூருல் ஹுதா உமர்