2026 ஆம் ஆண்டுக்கான வாக்காளர் கணக்கெடுப்பு பணிகள் எதிர்வரும் பெப்ரவரி மாதம் 1 ஆம் திகதி ஆரம்பிக்கப்படவுள்ளதாக பெப்ரல் (PAFFREL) அமைப்பு தெரிவித்துள்ளது.

முந்தைய ஆண்டுகளினைப் போலன்றி, கணக்கெடுப்பு உத்தியோகத்தர்கள் இம்முறை ஒவ்வொரு வீட்டிற்கும் வருகை தரமாட்டார்கள் என குறித்த அமைப்பு விடுத்திருக்கும் அறிக்கையில் குறிப்பிடப்பட்டுள்ளது.

புதிதாகச் சேர்க்கப்பட்ட மற்றும் நீக்கப்பட்ட பெயர்களினை கொண்ட 'A' மற்றும் 'Aa' பட்டியல்களினை புதுப்பிப்பது தொடர்பில் வீடுகளுக்கு மட்டுமே அவர்கள் வருகை தருவார்கள் எனவும் தெரிவிக்கப்பட்டுள்ளது.

மேலும், வாக்காளர் தகவல்களினை சேகரிக்கப்பட வேண்டிய வீடுகளுக்கு மட்டுமே உத்தியோகத்தர்கள் செல்வார்கள் எனவும் பெப்ரல் அமைப்பு கூறுகிறது.

பெப்ரல் அமைப்பின்படி, அரசியல் கட்சிப் பிரதிநிதிகள் இந்தக் கணக்கெடுப்பு நடத்தப்படும் முறையை அவதானிக்க வாய்ப்பு அளிக்கப்படும்.

அத்துடன், தகவல்கள் சேகரிக்கப்பட்ட பின்னர் ஒருவர் வாக்காளராகப் பதிவு செய்யத் தகுதியானவரா இல்லையா என்பது குறித்த உத்தியோகத்தர்களின் பரிந்துரைகளையும் அவர்கள் கண்காணிக்க முடியும்.

ஏதேனும் முறைகேடுகள் அவதானிக்கப்படுமானால், பிரதிநிதிகள் அது குறித்து கணக்கெடுப்பு உத்தியோகத்தருக்கு எழுத்துப்பூர்வமாக அறிவிக்க முடியும் எனவும், அத்தகைய அறிவிப்பின் பிரதியொன்றினை சம்பந்தப்பட்ட மாவட்ட பிரதி அல்லது உதவித் தேர்தல் ஆணையாளருக்கு உடனடியாக அனுப்ப முடியும் எனவும் பெப்ரல் அமைப்பு மேலும் தெரிவித்துள்ளது.