"முழு நாடுமே ஒன்றாக" தேசிய நடவடிக்கையின் கீழ், நேற்று (12) நாடு முழுவதும் நடத்தப்பட்ட நடவடிக்கைகளின் போது மொத்தம் 730 சந்தேக நபர்கள் கைது செய்யப்பட்டுள்ளனர்.

குறித்த நடவடிக்கைகளின் மூலம் 11 சந்தேக நபர்களுக்கு தடுப்புக் காவல் உத்தரவுகள் பெறப்பட்டுள்ளதாகவும் காவல்துறை தெரிவித்துள்ளது.

மொத்தம் 724 சோதனைகள் தொடர்பாக இந்த சந்தேக நபர்கள் கைது செய்யப்பட்டுள்ளனர்.

குறித்த நடவடிக்கையின் போது 423 கிராம் ஹெராயினும் காவல்துறையின் காவலில் எடுக்கப்பட்டுள்ளதாகவும் இந்த அளவு 242 சோதனைகளில் கண்டெடுக்கப்பட்டதாக காவல்துறை தெரிவித்துள்ளது.

மேலும், 550 கிராம் ஐஸ், 405 கிராம் கஞ்சா மற்றும் 2,589 கஞ்சா செடிகளும் காவல்துறையின் காவலில் எடுக்கப்பட்டுள்ளதாகவும் காவல்துறை தெரிவித்துள்ளது.