இலங்கை பெட்ரோலியம் கூட்டுத்தாபனம் மூலம் நாடு முழுவதும் 75 புதிய எரிபொருள் நிலையங்கள் திறக்கப்படும் என ஜனாதிபதி அனுர குமார திசாநாயக்க தெரிவித்துள்ளார்.

இலங்கை பொருளாதார மற்றும் முதலீட்டு உச்சிமாநாடு - 2026-ல் பங்கேற்றபோது ஜனாதிபதி இந்த அறிக்கையை வெளியிட்டார்.

தனியார் துறை எரிபொருள் விநியோகத்தைக் கட்டுப்படுத்தி, வரம்பற்ற இலாபங்களை ஈட்ட முயற்சிப்பதால் இந்த முடிவு எடுக்கப்பட்டதாக அவர் வலியுறுத்தினார்.

அதன்படி, தனியார் எரிபொருள் நிலையங்கள் மட்டுமே அமைந்துள்ள பகுதிகள் அடையாளம் காணப்பட்டு, உரிய திறப்புகள் விரைவுபடுத்தப்படும் என்று ஜனாதிபதி அனுர குமார திசாநாயக்க தெரிவித்துள்ளார்.

மேலும், இலங்கை பெட்ரோலியம் கூட்டுத்தாபனம் கடந்த காலாண்டில் 28 பில்லியன் ரூபா இலாபம் ஈட்டியுள்ளதுடன், மக்களுக்கு எரிபொருள் விநியோகிப்பதற்காக அதனைத் தியாகம் செய்யத் தயாராக இருப்பதாகவும் தெரிவித்துள்ளது.

இருப்பினும், தனியார் நிறுவனம் உரிய இலாபங்களைத் தியாகம் செய்யத் தயாராக இல்லை என்று ஜனாதிபதி மேலும் சுட்டிக்காட்டினார்.