அமெரிக்க-ஈரான் போரை முடிவுக்குக் கொண்டுவர ஒரு பூர்வாங்க உடன்பாடு எட்டப்பட்டுள்ளது என அமெரிக்க அதிபர் டொனால்ட் டிரம்ப் தெரிவித்துள்ளார்.

இது ஈரான் மீதான புதிய தாக்குதல்களைத் தற்காலிகமாக நிறுத்துவதற்கு வழிவகுத்துள்ளது என்றும் அவர் மேலும் குறிப்பிட்டுள்ளார்.

தனது 'ட்ரூத் சோஷியல்' சமூக ஊடகக் கணக்கில் பதிவிட்ட ஒரு பதிவில், பெப்ரவரி 28 அன்று போர் தொடங்கியதிலிருந்து ஈரானால் மூடப்பட்டிருந்த ஹோர்முஸ் ஜலசந்தியை உடனடியாகவும் முழுமையாகவும் திறப்பதே இந்த உடன்பாட்டின் முக்கிய நிபந்தனையாகும் என்று டிரம்ப் கூறியுள்ளார்.

"இரண்டாம் உலகப் போருக்குப் பிறகு இல்லாத அளவுக்கு மிகப்பெரிய இராணுவ பலத்துடன் ஈரான் மீது இராணுவத் தாக்குதலைத் தொடுக்க அமெரிக்கா தயாராக இருந்தது. ஆனால், ஒரு உடன்பாடு எட்டப்பட்டுள்ளதால், தாக்குதல்களை நிறுத்துமாறு ஈரானும் மத்திய கிழக்கு நாடுகளும் எங்களைக் கேட்டுக்கொண்டுள்ளன. இந்த உடன்பாட்டில் ஹோர்முஸ் ஜலசந்தியை உடனடியாகத் திறப்பதும், ஈரானின் அணுசக்தி அச்சுறுத்தலுக்கு முற்றுப்புள்ளி வைப்பதும் அடங்கும். உலகின் நன்மைக்காகவும், ஈரானின் பிழைப்புக்காகவும், தாக்குதலைக் கைவிட நான் ஒப்புக்கொண்டுள்ளேன்," என்று அதில் மேலும் கூறப்பட்டுள்ளது.