இலஞ்ச ஊழல் விசாரணை ஆணைக்குழுவால் கைது செய்யப்பட்டிருந்த பாராளுமன்ற உறுப்பினர் நாமல் ராஜபக்ஷவினுடைய பிரத்தியேக செயலாளர் சஞ்சய சமரசிங்கவுக்கு பிணையில் செல்ல கொழும்பு பிரதான நீதவான் நீதிமன்றமானது அனுமதியளித்துள்ளது.

இதன்படி, சந்தேக நபருக்கு தலா 10 இலட்சம் ரூபாய் பெறுமதியான இரண்டு சரீரப் பிணைகளில் விடுவிக்க உத்தரவிட்டுள்ள நீதிமன்றம், அவரது வெளிநாட்டுப் பயணங்களுக்கும் தடை விதித்துள்ளது.

மேலும், இலஞ்ச ஊழல் விசாரணை ஆணைக்குழுவினுடைய அதிகாரிகள் மற்றும் சந்தேக நபர் சார்பில் ஆஜரான ஜனாதிபதி சட்டத்தரணி சம்பத் மெண்டிஸ் ஆகியோர் முன்வைத்த சமர்ப்பணங்களினை பரிசீலித்த கொழும்பு பிரதான நீதவான் அசங்க எஸ். போதரகம குறித்த உத்தரவைப் பிறப்பித்துள்ளார்.