நீதிமன்றத்தினை அவமதிப்புக் குற்றச்சாட்டுகளுக்காகச் சிறைத்தண்டனை விதிக்கப்பட்டதன் பின்னர், கலகொடஅத்தே ஞானசார தேரரினுடைய காவி ஆடையை அகற்றுவதற்குச் சிறைச்சாலை அதிகாரிகள் எடுத்திருந்த தீர்மானத்தினை வலுவற்றதாக்குமாறு கோரி தாக்கல் செய்யப்பட்டிருக்கும் மனுக்களை மீண்டும் நவம்பர் 18 ஆம் திகதிக்கு அழைப்பதற்கு மேன்முறையீட்டு நீதிமன்றமானது இன்று (22) உத்தரவிட்டுள்ளது.

குறித்த மனுக்களானது இன்று மேன்முறையீட்டு நீதிமன்ற நீதியரசர்களான அமல் ரணராஜா, மகேன் கொபல்லவ மற்றும் பிரியந்த பெர்னாண்டோ ஆகியோரடங்கிய நீதியரசர்கள் குழாம் முன்னிலையில் அழைக்கப்பட்டிருந்தன.

இதன்போது முன்வைக்கப்பட்ட காரணங்களினை பரிசீலித்த பின்னர், நீதிமன்றம் குறித்த வழக்கை மீண்டும் நவம்பர் 18 ஆம் திகதிக்கு ஒத்திவைத்துள்ளது.

தீனியாவல பாலித தேரர் உள்ளிட்ட பிக்குகள் குழுவால் குறித்த மனுக்கள் தாக்கல் செய்யப்பட்டுள்ளன.