கொழும்பு நுகர்வோர் விலைச் சுட்டெண்ணுக்கு அமைய, ஆண்டுக்கு ஆண்டு (Year-on-Year) கணக்கிடப்படும் ஒட்டுமொத்த பணவீக்க வீதம் ஜூன் மாதத்தில் அதிகரித்துள்ளதாக தொகைமதிப்பு மற்றும் புள்ளிவிபரவியல் திணைக்களம் தெரிவித்துள்ளது.

அதன்படி, கடந்த மே மாதத்தில் 5.5% ஆக காணப்பட்ட பணவீக்கம், நடப்பு ஜூன் மாதத்தில் 6.8% ஆக உயர்ந்துள்ளது.

வெளியிடப்பட்ட புதிய அறிக்கையின்படி, உணவு மற்றும் உணவு சாரா ஆகிய இரு பிரிவுகளிலும் விலை உயர்வு பதிவு செய்யப்பட்டுள்ளது.

உணவுப் பிரிவில், மே மாதத்தில் 0.9% ஆக இருந்த பணவீக்கம், ஜூன் மாதத்தில் கணிசமாக உயர்ந்து 3.6% ஆக பதிவாகியுள்ளது.

அதேபோல், உணவு அல்லாத பிரிவில் பணவீக்கம் 7.8% இலிருந்து 8.4% ஆக அதிகரித்துள்ளதாகவும் அந்த அறிக்கையில் குறிப்பிடப்பட்டுள்ளது.

இதனால், நாட்டில் வாழ்க்கைச் செலவு அழுத்தம் மேலும் அதிகரித்துள்ளதாக பொருளாதார வட்டாரங்கள் குறிப்பிடுகின்றன.