இன்று (15), நாளை (16) மற்றும் நாளை மறுதினம் (17) அனைத்து அரச நிறுவனங்களும், அலுவலகங்களும் வழமைப்போல் திறந்திருக்கும் என பொதுநிர்வாக, மாகாண சபைகள் மற்றும் உள்ளூராட்சி அமைச்சு அறிவித்துள்ளது.​

தமிழ் மற்றும் சிங்கள புத்தாண்டை முன்னிட்டு, அரச ஊழியர்களுக்கு கடந்த திங்கட்கிழமை மற்றும் நேற்று (14) ஆகிய இரண்டு நாட்கள் மட்டுமே விடுமுறை வழங்கப்பட்டிருந்தது.

இந்நிலையில் இன்று முதல் அரச நிறுவனங்கள் மற்றும் அலுவலங்களின் செயற்பாடுகள் வழமைபோல் இடம்பெறும் என அந்த திணைக்களம் குறிப்பிட்டுள்ளது்.

இதேவேளை, சித்திரை புத்தாண்டுக்காக சொந்த ஊர்களுக்கு சென்று மீண்டும் கொழும்புக்கு திரும்பும் பயணிகளினுடைய தேவையைக் கருத்திற்கொண்டு, இன்று (15) முதல் பஸ்களினை சேவையில் ஈடுபடுத்த நடவடிக்கை எடுத்துள்ளதாக தேசிய போக்குவரத்து ஆணைக்குழு தெரிவித்துள்ளது.

அனைத்து மாகாண போக்குவரத்து அதிகார சபைகளுக்கும் இதற்கான அறிவுறுத்தல்கள் வழங்கப்பட்டிருப்பதாக அதன் போக்குவரத்துப் பணிப்பாளரான ஷெரின் அதுகோரள குறிப்பிட்டுள்ளார்.

இதேவேளை, இன்று ஒரு சாதாரண அலுவலக நாள் என்பதினால் அலுவலக ரயில்களினை வழக்கம் போல் இயக்குவதற்குத் திட்டமிட்டிருப்பதாக ரயில்வே திணைக்களம் தெரிவித்துள்ளது.

பயணிகளினுடைய தேவைக்கேற்ப உரிய ரயில்கள் சேவையில் ஈடுபடுத்தப்படும் என்று இலங்கை ரயில்வே திணைக்களத்தினுடைய போக்குவரத்து அதிகாரி அசங்க சமரசிங்க தெரிவித்துள்ளார்.