இஸ்ரேலில் புதிய அரசாங்கத்தை அமைக்க காடி ஐசன்கோட்டிற்கு அழ...
News
இஸ்ரேலில் புதிய அரசாங்கத்தை அமைக்க காடி ஐசன்கோட்டிற்கு அழைப்பு!
இஸ்ரேலில் அண்மையில் நடைபெற்ற பாராளுமன்றத் தேர்தலைத் தொடர்ந்து, புதிய ஆட்சியை அமைக்கும் பொறுப்பை எதிர்க்கட்சித் தலைவரும் முன்னாள் இராணுவத் தளபதியுமான காடி ஐசன்கோட்டிடம் (Gadi Eisenkot) ஒப்படைக்கவுள்ளதாக அந்த நாட்டு ஜனாதிபதி ஐசக் ஹெர்ஸொக் (Isaac Herzog) அறிவித்துள்ளார்.
120 இடங்களைக் கொண்ட இஸ்ரேலியப் பாராளுமன்றத் தேர்தலில், தற்போதைய பிரதமர் பெஞ்சமின் நெதன்யாஹுவின் (Benjamin Netanyahu) வலதுசாரி கூட்டணி 53 இடங்களையும், காடி ஐசன்கோட் தலைமையிலான மையவாத 'யாஷார்' (Yashar) கட்சி மற்றும் கூட்டணிப் பங்காளிகள் 48 இடங்களையும் பெற்றன.
எந்தவொரு கூட்டணிக் குழுவுக்கும் ஆட்சி அமைப்பதற்குத் தேவையான பெரும்பான்மை (61 இடங்கள்) கிடைக்காத நிலையில், ஜனாதிபதி ஐசக் ஹெர்ஸொக் அனைத்து அரசியல் கட்சிகளுடனும் ஆலோசனைகளை நடத்தினார்.
அதன் முடிவில், காடி ஐசன்கோட்டிற்கு 67 பாராளுமன்ற உறுப்பினர்களின் ஆதரவுப் பரிந்துரை கிடைத்ததை அடுத்து, அவரையே முதலில் ஆட்சி அமைக்க அழைப்பதாக ஜனாதிபதி மாளிகை அறிவித்துள்ளது.
காடி ஐசன்கொட்டிற்கு புதிய அரசை உருவாக்க 28 நாட்கள் அவகாசம் வழங்கப்பட்டுள்ளது. தேவைப்படின் மேலும் 14 நாட்கள் அவகாசம் நீடிக்கப்படலாம்.
இந்தத் தேர்தலில் அரபு சமூகப் பிரதிநிதிகளின் இரண்டு கூட்டணிகள் இணைந்து 19 இடங்களை வென்று வரலாற்றுச் சாதனை படைத்துள்ளன.
இருப்பினும், பெரும்பாலான யூத அரசியல் கட்சிகள், அரபு கட்சிகளுடன் இணைந்து ஆட்சி அமைக்கப் போவதில்லை என முன்னரே உறுதியளித்துள்ளதால், பெரும்பான்மையை நிரூபிப்பதில் பெரும் சவால்கள் நிலவுகின்றன.
இது குறித்து கருத்து தெரிவித்துள்ள காடி ஐசன்கோட், "தற்போது ஒரு தேசிய அவசரக்கால அரசை உருவாக்க வேண்டிய தருணம் இது. இந்த நம்பிக்கைக்கும் பொறுப்பிற்கும் தகுதியான முறையில் செயல்படுவேன்" எனத் தெரிவித்துள்ளார்.
இஸ்ரேலிய வரலாற்றில் இதுவரை எந்தவொரு தனிப்பட்ட கட்சியும் பாராளுமன்றத்தில் தனிப் பெரும்பான்மை பெற்றதில்லை என்பதால், அனைத்து அரசாங்கங்களும் கூட்டாட்சி அடிப்படையிலேயே அமைந்துள்ளன.
2019 முதல் 2022 வரையிலான காலகட்டத்தில் ஏற்பட்ட அரசியல் ஸ்திரமின்மை காரணமாக ஐந்து முறை தேர்தல்கள் நடத்தப்பட்ட சூழலில், தற்போதும் மீண்டும் ஒரு தெளிவற்ற அரசியல் சூழ்நிலை ஏற்பட்டுள்ளது.
ஒருவேளை காடி ஐசன்கோட்டினால் குறித்த காலத்திற்குள் பெரும்பான்மையை நிரூபிக்க முடியாவிட்டால் அல்லது நெதன்யாஹுவுடன் இணைந்து 'நல்லிணக்க அரசாங்கத்தை' அமைக்கத் தவறினால், நாடு மீண்டும் ஒரு தேர்தலைச் சந்திக்க நேரிடலாம் என ஆய்வாளர்கள் கூறுகின்றனர்.
120 இடங்களைக் கொண்ட இஸ்ரேலியப் பாராளுமன்றத் தேர்தலில், தற்போதைய பிரதமர் பெஞ்சமின் நெதன்யாஹுவின் (Benjamin Netanyahu) வலதுசாரி கூட்டணி 53 இடங்களையும், காடி ஐசன்கோட் தலைமையிலான மையவாத 'யாஷார்' (Yashar) கட்சி மற்றும் கூட்டணிப் பங்காளிகள் 48 இடங்களையும் பெற்றன.
எந்தவொரு கூட்டணிக் குழுவுக்கும் ஆட்சி அமைப்பதற்குத் தேவையான பெரும்பான்மை (61 இடங்கள்) கிடைக்காத நிலையில், ஜனாதிபதி ஐசக் ஹெர்ஸொக் அனைத்து அரசியல் கட்சிகளுடனும் ஆலோசனைகளை நடத்தினார்.
அதன் முடிவில், காடி ஐசன்கோட்டிற்கு 67 பாராளுமன்ற உறுப்பினர்களின் ஆதரவுப் பரிந்துரை கிடைத்ததை அடுத்து, அவரையே முதலில் ஆட்சி அமைக்க அழைப்பதாக ஜனாதிபதி மாளிகை அறிவித்துள்ளது.
காடி ஐசன்கொட்டிற்கு புதிய அரசை உருவாக்க 28 நாட்கள் அவகாசம் வழங்கப்பட்டுள்ளது. தேவைப்படின் மேலும் 14 நாட்கள் அவகாசம் நீடிக்கப்படலாம்.
இந்தத் தேர்தலில் அரபு சமூகப் பிரதிநிதிகளின் இரண்டு கூட்டணிகள் இணைந்து 19 இடங்களை வென்று வரலாற்றுச் சாதனை படைத்துள்ளன.
இருப்பினும், பெரும்பாலான யூத அரசியல் கட்சிகள், அரபு கட்சிகளுடன் இணைந்து ஆட்சி அமைக்கப் போவதில்லை என முன்னரே உறுதியளித்துள்ளதால், பெரும்பான்மையை நிரூபிப்பதில் பெரும் சவால்கள் நிலவுகின்றன.
இது குறித்து கருத்து தெரிவித்துள்ள காடி ஐசன்கோட், "தற்போது ஒரு தேசிய அவசரக்கால அரசை உருவாக்க வேண்டிய தருணம் இது. இந்த நம்பிக்கைக்கும் பொறுப்பிற்கும் தகுதியான முறையில் செயல்படுவேன்" எனத் தெரிவித்துள்ளார்.
இஸ்ரேலிய வரலாற்றில் இதுவரை எந்தவொரு தனிப்பட்ட கட்சியும் பாராளுமன்றத்தில் தனிப் பெரும்பான்மை பெற்றதில்லை என்பதால், அனைத்து அரசாங்கங்களும் கூட்டாட்சி அடிப்படையிலேயே அமைந்துள்ளன.
2019 முதல் 2022 வரையிலான காலகட்டத்தில் ஏற்பட்ட அரசியல் ஸ்திரமின்மை காரணமாக ஐந்து முறை தேர்தல்கள் நடத்தப்பட்ட சூழலில், தற்போதும் மீண்டும் ஒரு தெளிவற்ற அரசியல் சூழ்நிலை ஏற்பட்டுள்ளது.
ஒருவேளை காடி ஐசன்கோட்டினால் குறித்த காலத்திற்குள் பெரும்பான்மையை நிரூபிக்க முடியாவிட்டால் அல்லது நெதன்யாஹுவுடன் இணைந்து 'நல்லிணக்க அரசாங்கத்தை' அமைக்கத் தவறினால், நாடு மீண்டும் ஒரு தேர்தலைச் சந்திக்க நேரிடலாம் என ஆய்வாளர்கள் கூறுகின்றனர்.
