முன்னாள் ஜனாதிபதி மகிந்த ராஜபக்ஷவின் மனைவி ஷிராந்தி ராஜபக்ஷ, நிதிக் குற்றப் புலனாய்வுப் பிரிவில் (FCID) ஆஜராகி வாக்குமூலம் வழங்குவதற்கு புதிய தினமொன்றை கோரியுள்ளார்.

மருத்துவ சிகிச்சைக்காக வெளிநாடு சென்றுள்ளதால் தற்போது விசாரணைக்கு ஆஜராக முடியாத நிலை ஏற்பட்டுள்ளதாக அவரது சட்டத்தரணி மூலம் FCIDக்கு அறிவிக்கப்பட்டுள்ளது.

நாடு திரும்பிய பின்னர் FCID முன்னிலையில் ஆஜராகி வாக்குமூலம் வழங்கத் தயாராக இருப்பதாகவும் தெரிவிக்கப்பட்டுள்ளது.

சிரிலிய சவிய நிதியத்தின் கணக்கில் இடம்பெற்றதாகக் கூறப்படும் நிதி முறைகேடுகள் தொடர்பில் வாக்குமூலம் பெறுவதற்காக நேற்று (24) அவருக்கு அழைப்பு விடுக்கப்பட்டிருந்தது.