மாகாண சபை தேர்தல்களை கூடிய விரைவில் நடத்துவதே அரசாங்கத்தின் முதன்மை நோக்கம் என்றும், தற்போதுள்ள தேர்தல் சட்டங்களைத் திருத்துவதற்கு பாராளுமன்றம் பெறும் கால அவகாசத்தைப் பொறுத்து உத்தியோகபூர்வ திகதி நிர்ணயிக்கப்படும் என்றும் அமைச்சரவை ஊடகப் பேச்சாளர் அமைச்சர் நளிந்த ஜயதிஸ்ஸ தெரிவித்தார்.

அமைச்சரவை முடிவுகளை அறிவிப்பதற்காக இன்று (01) நடைபெற்ற ஊடக சந்திப்பில் பங்கேற்றபோது அமைச்சர் இதனை தெரிவித்தார்.

மாகாண சபை தேர்தல் முறை தொடர்பாக முந்தைய ஆட்சிகளின் போது அறிமுகப்படுத்தப்பட்ட குழப்பமான சட்ட நிபந்தனைகள் காரணமாக, இந்நாட்டில் மாகாண சபை தேர்தல்களை நடத்துவது பல ஆண்டுகளாகத் தடைபட்டு வந்தது.

இந்த சட்டப் பிரச்சினையைத் தீர்த்து, பழைய விகிதாசாரப் பிரதிநிதித்துவ முறையிலோ அல்லது தேவையான திருத்தங்களுடன் கூடிய புதிய முறையிலோ தேர்தலை நடத்துவதற்கு, நாடாளுமன்றத்தில் ஒரு புதிய மசோதாவை நிறைவேற்ற வேண்டியிருக்கும் என்று அரசாங்கம் முன்னதாகக் குறிப்பிட்டிருந்தது