மருதங்கேணி: வடமராட்சி கிழக்கு பகுதியில் அன்னை பூபதியின் நினைவு ஊர்தி பொலிஸாரால் தடுக்கப்பட்டதாக வெளியான செய்திகளில் உண்மையில்லை என மருதங்கேணி பொலிஸ் நிலைய பொறுப்பதிகாரி தெரிவித்துள்ளார்.

இது குறித்து அவர் மேலும் விளக்குகையில்:

முன் அனுமதி இன்மை: குறித்த ஊர்திப் பயணம் தொடர்பாக முன்னதாக முறையான அனுமதி பெறப்பட்டிருக்கவில்லை.

பாதுகாப்பு சோதனை: இதன்காரணமாக, பாதுகாப்பு நடைமுறைகளை உறுதிப்படுத்தும் நோக்கில் மாத்திரம் ஊர்தி சிறிது நேரம் நிறுத்தி வைக்கப்பட்டது.

தொடர் பயணம்: உரிய விசாரணைகள் மற்றும் சோதனைகளுக்குப் பிறகு, ஊர்தி தனது பயணத்தைத் தொடர பொலிஸாரால் அனுமதி வழங்கப்பட்டது.

தவறான புரிதல் காரணமாகவே ஊர்தி தடுக்கப்பட்டதாகச் செய்திகள் பரவியதாகவும், சட்ட ரீதியான நடைமுறைகளைப் பின்பற்றியே இந்த நடவடிக்கை எடுக்கப்பட்டதாகவும் அவர் மேலும் சுட்டிக்காட்டினார்.

பூ.லின்ரன்