ஆசிய விளையாட்டுப் போட்டிகளின் மகளிர் இருபதுக்கு 20 கிரிக்கெட் தொடரில் இலங்கை மகளிர் அணி அரையிறுதிக்கு தகுதி பெற்றுள்ளது.

இன்று (18) நடைபெற்ற மூன்றாவது காலிறுதிப் போட்டியில் மலேசிய அணியை எதிர்கொண்ட இலங்கை, முதலில் துடுப்பெடுத்தாடி 20 ஓவர்களில் 4 விக்கெட்டுகளை இழந்து 160 ஓட்டங்களைப் பெற்றது.

161 ஓட்டங்கள் என்ற வெற்றி இலக்குடன் களமிறங்கிய மலேசிய அணி, 20 ஓவர்கள் நிறைவில் 7 விக்கெட்டுகளை இழந்து 74 ஓட்டங்களை மட்டுமே பெற்றது.

இதன்மூலம் இலங்கை மகளிர் அணி 86 ஓட்டங்களால் வெற்றி பெற்று, ஆசிய விளையாட்டுப் போட்டிகளின் அரையிறுதிச் சுற்றுக்கு முன்னேறியுள்ளது.