அக்கரைப்பற்று மாநகரசபையின் முன்னோடியான டிஜிட்டல் பொருளாதா...
News
அக்கரைப்பற்று மாநகரசபையின் முன்னோடியான டிஜிட்டல் பொருளாதார முயற்சி!
அக்கரைப்பற்று, நாட்டில் நிலவும் பொருளாதார சவால்களுக்கு மத்தியில் சமூக மற்றும் பொருளாதார முன்னேற்றத்தை டிஜிட்டல் தொழில்நுட்பங்களின் ஊடாக உருவாக்கும் நோக்கில், அக்கரைப்பற்று மாநகரசபை முன்னோடியான டிஜிட்டல் பொருளாதார முயற்சியை முன்னெடுத்து வருகின்றது.
தேசிய காங்கிரஸ் தலைவர் மற்றும் அக்கரைப்பற்று மாநகர முதல்வர் ஏ.எல்.எம். அதாவுல்லா அவர்களின் தொலைநோக்கு சிந்தனையின் அடிப்படையில் உருவாக்கப்பட்டுள்ள இத்திட்டம், எதிர்கால டிஜிட்டல் உலகிற்கு சமூகத்தை தயார்படுத்தும் நோக்கத்துடன் பல்வேறு பயிற்சி மற்றும் விழிப்புணர்வு நடவடிக்கைகளை உள்ளடக்கியதாக அமைந்துள்ளது.
தொழில்நுட்ப வளர்ச்சி வேகமடைந்து வரும் இன்றைய காலகட்டத்தில், செயற்கை நுண்ணறிவு (AI), டிஜிட்டல் திறன்கள் மற்றும் நவீன தொழில்நுட்ப கருவிகள் எதிர்கால வெற்றிக்கான முக்கிய ஆதாரங்களாக மாறியுள்ளன. இதனை கருத்திற்கொண்டு, மாநகரசபை ஆசிரியர்கள், அரச உத்தியோகத்தர்கள், இளைஞர்கள், வியாபாரிகள் மற்றும் தொழில் முனைவோர்களுக்காக சிறப்பு பயிற்சி நிகழ்ச்சிகளை தொடர்ச்சியாக நடத்தி வருகின்றது.
இந்தப் பயிற்சித் திட்டங்களின் மூலம் பங்கேற்பாளர்களுக்கு செயற்கை நுண்ணறிவு தொழில்நுட்பங்களின் பயன்பாடு, டிஜிட்டல் தொழில் வாய்ப்புகள், இணையவழி வருமான ஈட்டல், நவீன வணிக முகாமைத்துவம் மற்றும் தொழில்நுட்ப அடிப்படையிலான சேவைகள் தொடர்பான அறிவும் திறன்களும் வழங்கப்பட்டு வருகின்றன.
இத்திட்டத்தின் ஊடாக புதிய தொழில் வாய்ப்புகள் உருவாக்கப்படுவதுடன், உற்பத்தித் திறன் அதிகரிப்பு, டிஜிட்டல் வருமான வாய்ப்புகளின் விரிவாக்கம், சிறு மற்றும் நடுத்தர தொழில்களின் வளர்ச்சி, தொழில் முனைவோர் உருவாக்கம் மற்றும் அறிவார்ந்த சமூக கட்டமைப்பு போன்ற பல்வேறு நன்மைகள் ஏற்படும் என எதிர்பார்க்கப்படுகிறது.
அத்துடன், அக்கரைப்பற்றை நவீன டிஜிட்டல் நகரமாக மாற்றும் நோக்கில் முன்னெடுக்கப்படும் இந்த முயற்சி, பிராந்திய அபிவிருத்திக்கு மட்டுமன்றி இலங்கையின் எதிர்கால டிஜிட்டல் பொருளாதார வளர்ச்சிக்கும் குறிப்பிடத்தக்க பங்களிப்பை வழங்கும் என சமூக ஆர்வலர்களும் பொருளாதார நிபுணர்களும் கருத்து தெரிவிக்கின்றனர்.
டிஜிட்டல் தொழில்நுட்பங்களை மக்களிடம் கொண்டு சேர்த்து, அறிவார்ந்த மற்றும் தன்னிறைவு கொண்ட சமூகத்தை உருவாக்கும் நோக்கில் அக்கரைப்பற்று மாநகரசபை மேற்கொண்டு வரும் இந்த நடவடிக்கை, உள்ளூராட்சி மட்டத்தில் முன்னுதாரணமான திட்டமாகப் பார்க்கப்படுகிறது.
நூருல் ஹுதா உமர்
தேசிய காங்கிரஸ் தலைவர் மற்றும் அக்கரைப்பற்று மாநகர முதல்வர் ஏ.எல்.எம். அதாவுல்லா அவர்களின் தொலைநோக்கு சிந்தனையின் அடிப்படையில் உருவாக்கப்பட்டுள்ள இத்திட்டம், எதிர்கால டிஜிட்டல் உலகிற்கு சமூகத்தை தயார்படுத்தும் நோக்கத்துடன் பல்வேறு பயிற்சி மற்றும் விழிப்புணர்வு நடவடிக்கைகளை உள்ளடக்கியதாக அமைந்துள்ளது.
தொழில்நுட்ப வளர்ச்சி வேகமடைந்து வரும் இன்றைய காலகட்டத்தில், செயற்கை நுண்ணறிவு (AI), டிஜிட்டல் திறன்கள் மற்றும் நவீன தொழில்நுட்ப கருவிகள் எதிர்கால வெற்றிக்கான முக்கிய ஆதாரங்களாக மாறியுள்ளன. இதனை கருத்திற்கொண்டு, மாநகரசபை ஆசிரியர்கள், அரச உத்தியோகத்தர்கள், இளைஞர்கள், வியாபாரிகள் மற்றும் தொழில் முனைவோர்களுக்காக சிறப்பு பயிற்சி நிகழ்ச்சிகளை தொடர்ச்சியாக நடத்தி வருகின்றது.
இந்தப் பயிற்சித் திட்டங்களின் மூலம் பங்கேற்பாளர்களுக்கு செயற்கை நுண்ணறிவு தொழில்நுட்பங்களின் பயன்பாடு, டிஜிட்டல் தொழில் வாய்ப்புகள், இணையவழி வருமான ஈட்டல், நவீன வணிக முகாமைத்துவம் மற்றும் தொழில்நுட்ப அடிப்படையிலான சேவைகள் தொடர்பான அறிவும் திறன்களும் வழங்கப்பட்டு வருகின்றன.
இத்திட்டத்தின் ஊடாக புதிய தொழில் வாய்ப்புகள் உருவாக்கப்படுவதுடன், உற்பத்தித் திறன் அதிகரிப்பு, டிஜிட்டல் வருமான வாய்ப்புகளின் விரிவாக்கம், சிறு மற்றும் நடுத்தர தொழில்களின் வளர்ச்சி, தொழில் முனைவோர் உருவாக்கம் மற்றும் அறிவார்ந்த சமூக கட்டமைப்பு போன்ற பல்வேறு நன்மைகள் ஏற்படும் என எதிர்பார்க்கப்படுகிறது.
அத்துடன், அக்கரைப்பற்றை நவீன டிஜிட்டல் நகரமாக மாற்றும் நோக்கில் முன்னெடுக்கப்படும் இந்த முயற்சி, பிராந்திய அபிவிருத்திக்கு மட்டுமன்றி இலங்கையின் எதிர்கால டிஜிட்டல் பொருளாதார வளர்ச்சிக்கும் குறிப்பிடத்தக்க பங்களிப்பை வழங்கும் என சமூக ஆர்வலர்களும் பொருளாதார நிபுணர்களும் கருத்து தெரிவிக்கின்றனர்.
டிஜிட்டல் தொழில்நுட்பங்களை மக்களிடம் கொண்டு சேர்த்து, அறிவார்ந்த மற்றும் தன்னிறைவு கொண்ட சமூகத்தை உருவாக்கும் நோக்கில் அக்கரைப்பற்று மாநகரசபை மேற்கொண்டு வரும் இந்த நடவடிக்கை, உள்ளூராட்சி மட்டத்தில் முன்னுதாரணமான திட்டமாகப் பார்க்கப்படுகிறது.
நூருல் ஹுதா உமர்
