ஹெட்டன் பொல்பிட்டியவின் மொரஹெனகம பகுதியில், வீடு ஒன்றின் மீது மண்மேடு சரிந்து வீழ்ந்ததில் முவர் காணாமல்போயுள்ளதாகவும் பெண்ணொருவர் பலியாகியதாகவும் பொலிஸார் தெரிவித்துள்ளனர்.

தற்போது நிலவும் பலத்த மழை வீழ்ச்சியுடனேயே இப் விபத்து சம்பவித்துள்ளது.

காணாமல்போன நபர்களைக் கண்டறிவதற்காக தற்போது பரந்த அளவிலான தேடுதல் மற்றும் மீட்பு நடவடிக்கைகள் முன்னெடுக்கப்பட்டு வருகின்றன.

அனர்த்த நிலைமைகள் காரணமாக நிலச்சரிவு அபாயம் உள்ள பகுதிகளில் வாழும் பொதுமக்கள் மிகுந்த அவதானத்துடன் இருக்குமாறும், பாதுகாப்பான இடங்களுக்குச் செல்லுமாறும் பாதுகாப்புப் படையினர் தொடர்ந்து அறிவுறுத்துகின்றனர்.