ஹட்டன் - பொகவந்தலாவை பிரதான வீதியில் டிக்கோயா வைத்தியசாலைக்கு அருகாமையிலேயே இன்று (25) குறித்த விபத்து இடம்பெற்றுள்ளது.

படுகாயமடைந்த சாரதியை டிக்கோயா வைத்தியசாலையில் அனுமதிக்கப்பட்டுள்ளதாக நோர்வூட் பொலிஸார் தெரிவித்தார்.

ஹட்டனிலிருந்து நோர்வூட் நோக்கி பயணித்துக்கொண்டிருந்த முச்சக்கர வண்டி, மஸ்கெலியா சாமிமலையிலிருந்து ஹட்டன் நோக்கிப் பயணித்த இலங்கை போக்குவரத்து சபைக்கு சொந்தமான பேருந்தின் மீது மோதி இவ்விபத்து ஏற்பட்டுள்ளது.

முச்சக்கர வண்டி சாரதி தொலைபேசியில் உரையாடியபடி அதிவேகமாக வாகனத்தை செலுத்தியதால், வேகத்தைக் கட்டுப்படுத்த முடியாமல் எதிர்த்திசையில் வந்த பேருந்துடன் மோதி விபத்து ஏற்பட்டிருக்கலாம் என நோர்வூட் பொலிஸின் போக்குவரத்து பிரிவு பொலிஸார் சந்தேகிக்கின்றனர்.

இவ்விபத்தில் முச்சக்கர வண்டி பலத்த சேதமடைந்துள்ளதுடன், பேருந்தின் முன்பகுதியும் சேதமடைந்துள்ளது.
முச்சக்கர வண்டி சாரதியின் கவனயீனமே விபத்திற்குக் காரணமாக இருக்கலாம் என விபத்து தொடர்பில் விசாரணைகளை மேற்கொண்டு வரும் நோர்வூட் பொலிஸார் சந்தேகிக்கின்றனர்.

(வி.தீபன்ராஜ்)