மாத்தறை நாவிமன பகுதியில் மேற்கொள்ளப்பட்ட நடவடிக்கையொன்றின்போது, ஒரு கிலோ கிராமுக்கும் அதிகமான ஹெரோயின் போதைப்பொருளை வைத்திருந்ததாக சந்தேகிக்கப்படும் இருவர் பொலிஸாரால் கைது செய்யப்பட்டுள்ளனர்.

கைது செய்யப்பட்ட சந்தேகநபர்களிடமிருந்து துப்பாக்கியொன்றும் அதிகாரிகளால் கைப்பற்றப்பட்டுள்ளதாக தெரிவிக்கப்பட்டுள்ளது.

மீட்கப்பட்ட ஹெரோயின் போதைப்பொருள் தொடர்பிலும், சந்தேகநபர்களிடம் இருந்து கைப்பற்றப்பட்ட துப்பாக்கி தொடர்பிலும் பொலிஸார் மேலதிக விசாரணைகளை முன்னெடுத்து வருகின்றனர்.

சம்பவத்துடன் தொடர்புடைய ஏனைய விடயங்கள் குறித்து விசாரணைகள் தொடர்ந்து இடம்பெற்று வருவதாக பொலிஸார் தெரிவித்துள்ளனர்.