எரிபொருள் விநியோகத்தின் போது பயன்படுத்தப்படும் QR குறியீட்டு முறை தொடர்ந்தும் அவசியமா என்பது குறித்து ஆராயப்பட்டு வருவதாக இலங்கை பெற்றோலியக் கூட்டுத்தாபனம் தெரிவித்துள்ளது.

இது தொடர்பில் கருத்து தெரிவித்துள்ள கூட்டுத்தாபனத்தின் தலைவர் டி. ஜே. ராஜகருணா, தற்போதைய சூழ்நிலையை கருத்தில் கொண்டு QR முறையை நீக்குவது அல்லது தொடர்வது குறித்து இறுதி முடிவு எடுக்கப்படும் என குறிப்பிட்டுள்ளார்.

மேலும், உலக சந்தையில் எரிபொருள் விலை குறைந்துள்ள போதிலும், அந்தக் குறைவு முழுமையாக உள்ளூர் சந்தையில் பிரதிபலிக்கவில்லை என்றும் அவர் தெரிவித்துள்ளார்.

அதேவேளை, தற்போது எரிபொருளை கொள்வனவு செய்வதற்கு எந்தவித தடைகளும் இல்லை என அவர் தெளிவுபடுத்தியுள்ளார்.

எரிபொருள் விநியோக முறையை மேலும் எளிமைப்படுத்தும் நோக்கில் QR குறியீட்டு முறை தொடர்பாக அதிகாரிகள் தொடர்ந்து ஆய்வு செய்து வருவதாகவும், எதிர்காலத்தில் இது தொடர்பான இறுதி தீர்மானம் அறிவிக்கப்படும் எனவும் தெரிவிக்கப்பட்டுள்ளது.