Hizam A Bawa 
முச்சக்கர வண்டிகளில் அணிகலன்கள் மற்றும் அலங்காரப் பொருட்களை பொருத்துவதற்கு அனுமதி வழங்குவதாக மோட்டார் போக்குவரத்து திணைக்களம் தெரிவித்துள்ளது.
இதன்படி, அணிகலன்கள் மற்றும் அலங்காரங்கள் நிறுவுதல் 30 வகைகளின் கீழ் உள்ளதாகவும், மேலதிக தகவல்களை இணையத்தளத்திலோ அல்லது முச்சக்கரவண்டி ஒதுக்கீட்டுக் கிளையிலோ 0113484520 என்ற தொலைபேசி இலக்கத்திற்கு தொடர்பு கொண்டு பெற்றுக்கொள்ள முடியும் என திணைக்களத்தின் ஆணையாளர் நாயகம் நிஷாந்த அனுருத்த வீரசிங்க தெரிவித்தார்.
மேலும், முச்சக்கர வண்டி சங்கங்கள் மற்றும் பொதுமக்களின் தொடர்ச்சியான கோரிக்கைகளை கருத்திற்கொண்டு இந்த தீர்மானம் எடுக்கப்பட்டுள்ளதோடு கடந்த 10 ஆம் திகதி முதல் அமலுக்கு வரும் வகையில் குறித்த அறிவிப்பு வெளியிடப்பட்டுள்ளது.
