Hizam A Bawa 
சுகாதார அமைச்சின் புதிய செயலாளராக நியமிக்கப்பட்டுள்ள முன்னாள் சுகாதார சேவைகள் பணிப்பாளர் நாயகம் வைத்தியர் பாலித மஹிபால இன்று (20) உத்தியோகபூர்வமாக கடமைகளை பொறுப்பேற்றுள்ளார்.
இதன்படி, இன்று காலை சுகாதார அமைச்சில் கடமைகளை பொறுப்பேற்ற தொழில் ரீதியான் மருத்துவ நிபுணரான வைத்தியர் மஹிபாலா 2019 இல் பாகிஸ்தானில் உலக சுகாதார அமைப்பின் பிரதிநிதியாக நியமிக்கப்பட்டார்.
உலக சுகாதார அமைப்பின் இணைவதற்கு முன்னர், இலங்கையில் சுகாதார கூடுதல் செயலாளராகவும் பொது பொது சுகாதார சேவைகளின் பிரதிப் பணிப்பாளராகவும் பணியாற்றிய வைத்தியர் மஹிபால பொது சுகாதாரம், சுகாதார துறை மேலாண்மை, வணிக நிர்வாகம் மற்றும் பொருளாதார மேம்பாடு ஆகிய துறைகளில் தகுதி பெற்றவர் ஆவர்.
மேலும், Global Fund மற்றும் Gavi – the Vaccine Alliance போன்ற சர்வதேச நிறுவனங்களில் பணி அனுபவம் பெற்றுள்ளதோடு இலங்கையிலுள்ள மருத்துவ முதுகலைப் பட்டதாரி நிறுவனத்தில் விரிவுரையாளராகவும் பரீட்சையாளராகவும் இருந்தோடு பல தேசிய மற்றும் சர்வதேச இதழ்களில் கட்டுரைகளை வெளியிட்டுள்ளார்.
