கடந்த பருவ காலத்திலும் இந்த வருட காலத்திலும் உர விற்பனை மூலம் 9.2 பில்லியன் ரூபா வருமானத்தை ஈட்டியுள்ளதாகவும் வருமானத்தில் ஒரு பகுதி அரச ஊழியர்களுக்கு கடந்த டிசம்பர் மாதம் சம்பளம் வழங்கவும் எடுக்கப்பட்டுள்ளதாக விவசாய அமைச்சர் மஹிந்த அமரவீர தெரிவித்தார்.
மேலும், உர நிறுவனமும், சிலோன் உர நிறுவனமும் உரங்களை விற்பனை செய்துள்ளதாகவும் உர விற்பனை மூலம் கிடைத்த வருமானம் விவசாய அபிவிருத்தி திணைக்களத்தின் கணக்கில் வரவு வைக்கப்பட்டுள்ளதாகவும் விவசாய அமைச்சு தெரிவித்துள்ளது.
அதன்படி, கருவூலத்திற்கு பணம் வழங்கப்பட்டதுடன் கடந்த ஒரு வருடத்தில் மாத்திரம் விவசாயிகளுக்கு உர விற்பனை மூலம் கிடைத்த வருமானம் சுமார் 3 பில்லியனை நெருங்கியுள்ளதாகவும், 50 கிலோ யூரியா உர மூட்டை பத்தாயிரம் ரூபா மானிய விலையில் விவசாயிகளுக்கு விற்பனை செய்யப்பட்டதாக விவசாய அமைச்சு மேலும் தெரிவித்துள்ளது.