செயற்கை இனப்பெருக்கத்துக்காக 2 இலட்சம் முட்டைகள்: இறக்குமதி செய்ய பணிப்புரை!

முட்டை உற்பத்தி 11 மாதங்கள் தாமதமாகும் என்பதால், இதற்கு மாற்றாக 200,000 குஞ்சு பொரிக்கும் முட்டைகளை இலங்கைக்கு இறக்குமதி செய்ய நடவடிக்கை எடுக்குமாறு விவசாய, வனவிலங்கு மற்றும் வன வளங்கள் பாதுகாப்பு அமைச்சர் மஹிந்த அமரவீர, விவசாய அமைச்சின் கால்நடைப் பிரிவுக்கு பணிப்புரை விடுத்துள்ளார்.

மேலும், தற்போது, கால்நடை உற்பத்தி மற்றும் சுகாதார திணைக்களம் தேவையான பூர்வாங்க வேலைகளை தயார் செய்து, கால்நடை அபிவிருத்தி சபையின் கீழ் உள்ள மிரிஸ்வத்தை மற்றும் மாரவில பண்ணைகளில் அமைந்துள்ள இரண்டு குஞ்சு பொரிப்பகங்களைப் பயன்படுத்தி இறக்குமதி செய்யப்பட்ட இனப்பெருக்க முட்டைகளிலிருந்து தாய் குஞ்சுகளை பெறுவதற்கான நடைமுறையை நடைமுறைப்படுத்தவுள்ளது.

அத்தோடு, குஞ்சு பொரித்த முட்டைகள் இறக்குமதியை தேசிய கால்நடை அபிவிருத்திச் சபை மற்றும் தனியார் துறை நிறுவனங்களுக்கு மாற்ற நடவடிக்கை எடுக்கப்பட்டுள்ளதுடன் விவசாய அமைச்சின் கால்நடை அபிவிருத்தி பிரிவு மற்றும் கால்நடை உற்பத்தி மற்றும் சுகாதார திணைக்களம் என்பன தேவையான வசதிகளை செய்து வருகின்றன.

இதன்படி, கடந்த காலம் முழுவதும் முட்டை மற்றும் கோழி உற்பத்தி மூலம் நம் நாடு தன்னிறைவு பெற்றிருந்தாலும், 2021 ல் ரசாயன உரங்களுக்கு தடை விதிக்கப்பட்டதன் மூலம் சோள உற்பத்தி 40 சதவீதமாக வீழ்ச்சியடைந்ததால், கால்நடை தீவன பற்றாக்குறை கால்நடைகளின் வீழ்ச்சியை கடுமையாக பாதித்துள்ளதுடன் நம் நாட்டில் முட்டையின் ஆண்டுத் தேவை சுமார் 2990 மில்லியனாகவும், முட்டையின் மாதத் தேவை 249-250 மில்லியனாகவும் உள்ளது.

ஆனால் தற்போது அது 30 லட்சமாக குறைந்துள்ளதாகவும், இந்த இனவிருத்தி முட்டைகள் பெப்ரவரி மாத இறுதிக்கு முன்னர் இறக்குமதி செய்யப்பட்டால் எதிர்வரும் மே மற்றும் ஜூன் மாதத்திற்குள் நாட்டில் முட்டை உற்பத்தியை உயர் மட்டத்திற்கு கொண்டு வர முடியும் என கால்நடை அபிவிருத்தி பிரிவுக்கு பொறுப்பான அதிகாரிகள் தெரிவிக்கின்றனர்.