சவுதி அரேபியா தனது வரலாற்றில் முதன்முறையாக பெண் ஒருவரை விண்வெளிக்கு அனுப்ப தயாராகி வருகின்றது.
மேலும், சவூதி அரேபியா தனது பாரம்பரிய சட்ட அமைப்பை மாற்றுவதற்கான சமீபத்திய நடவடிக்கையாக பெண்களை விண்வெளிக்கு செல்ல அனுமதித்துள்ளதாக வெளிநாட்டு ஊடகங்கள் தெரிவித்துள்ளன.
இதன்படி, சவுதி அரேபிய விண்வெளி வீராங்கனை ரயானா பர்னாவி இந்த ஆண்டு நடுப்பகுதியில் சர்வதேச விண்வெளி நிலையத்தின் செயல்பாடுகளில் இணைவார் எனத் தெரிவிக்கப்படுகின்றது.
அத்தோடு, சவூதி அரேபிய விண்வெளி வீரர் அலி அல்கானியுடன் சர்வதேச விண்வெளி நிலையத்திற்கு அவர் புறப்பட உள்ளதாகவும் வெளிநாட்டு ஊடகங்கள் செய்தி வெளியிட்டுள்ளன. அவர்கள் அமெரிக்காவிலிருந்து இயக்கப்படும் “AX2” என்ற விண்வெளிப் பயணத்தில் சேர திட்டமிடப்பட்டுள்ளது.