Hizam A Bawa 
நாய்களை வேட்டையாட வந்த மலைப்புலி இன்று தாக்கியதில் தோட்டத் தொழிலாளி ஒருவர் படுகாயமடைந்துள்ளதாக பகவந்தலாவ டின்சின் தோட்ட முகாமைத்துவ அதிகாரசபை தெரிவித்துள்ளது.
மேலும், பகவந்தலாவ பொலிஸ் பிரிவிற்குட்பட்ட டின்சின் தோட்டத்திலுள்ள தேயிலை தொழிற்சாலைக்கு அருகில் உள்ள தேயிலை தோட்டத்தில் விவசாய இரசாயனங்களை பயன்படுத்திய தோட்ட தொழிலாளி ஒருவரை மலைப்புலி தாக்கியுள்ளது.
இதன்படி, இன்று காலை 10 மணியளவில் இந்த தாக்குதல் இடம்பெற்றுள்ளதாகவும், தாக்குதலில் படுகாயமடைந்த தோட்ட தொழிலாளி பகவந்தலாவ மாவட்ட வைத்தியசாலையில் அனுமதிக்கப்பட்டுள்ளதாகவும், அவரது நிலை கவலைக்கிடமாக உள்ளதாகவும், இதனால் காயமடைந்த நபர் திக் ஓயா ஆரம்ப வைத்தியசாலைக்கு மாற்றப்பட்டுள்ளதாகவும் தெரிவிக்கப்படுகின்றது.
அத்தோடு, தோட்டத் தொழிலாளர்கள் தங்கள் தோட்டங்களில் செல்லப்பிராணிகளாக வளர்க்கப்படும் நாய்கள் தொடர்ந்து காணாமல் போவதாகவும், மலைப்புலிகள் தங்கள் தேயிலைத் தோட்டத்தில் அடிக்கடி சுற்றித் திரிவதாகவும்தெரிவித்துள்ளனர்.
மேலும் தோட்டத்தில் சுற்றித்திரியும் மலைப்புலிகளை காப்பகத்திற்கு விரட்ட வனவிலங்கு அதிகாரிகள் நடவடிக்கை எடுக்க வேண்டும் என தோட்ட தொழிலாளர்கள் தெரிவித்தனர்.
